Search

Select theme:

Saved articles

You have not yet added any article to your bookmarks!

Browse articles

GDPR Compliance

We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

அண்டார்டிகா கடலில் பனிக்கு நடுவே பெரிய நீர்ப்பரப்பு

அண்டார்டிகா கடலில் பனிக்கு நடுவே பெரிய நீர்ப்பரப்பு

வெப்ப நீரால் உருவானதை கண்டறிந்த விஞ்ஞானிகள்

Prabaharan KALEIDOSCOPE 2 நிமிட வாசிப்பு
பகிரவும் WhatsApp Facebook

அண்டார்டிகாவில் கடல் பனிக்கு நடுவே உருவான மிகப்பெரிய நீர்ப்பரப்புக்கான காரணத்தை விஞ்ஞானிகள் கண்டறிந்துள்ளனர். வெப்பமான காற்றும், கடலின் ஆழத்திலிருந்து மேலே வந்த வெப்பமான நீரும் சேர்ந்து இந்தத் திறப்பை உருவாக்கியதாக புதிய ஆய்வு தெரிவிக்கிறது.


கிழக்கு அண்டார்டிகாவில் உள்ள பிரெய்ட் வளைகுடாவில், 2024 ஆகஸ்ட் மாதம் இந்த நிகழ்வு ஏற்பட்டது. கடல் முழுவதும் பனியால் மூடப்பட்டிருக்க வேண்டிய குளிர்காலத்தில், பனிக்கு நடுவே பெரிய நீர்ப்பரப்பு காணப்பட்டது.
ஆகஸ்ட் 8-ம் தேதி இந்த திறந்தவெளி நீர்ப்பரப்பு சுமார் 89 ஆயிரம் சதுர கிலோமீட்டர் பரப்பளவுக்கு விரிந்தது. பின்னர் சுருங்கத் தொடங்கி, அந்த மாதத்தின் நடுப்பகுதியில் மீண்டும் பனியால் மூடப்பட்டது.


இது நிலத்தில் ஏற்பட்ட பள்ளம் அல்ல. கடலின் மேற்பரப்பில் இருந்த பனி விலகி, நீர் வெளியே தெரிந்த பகுதி. சுற்றிலும் பனி இருக்கும் இத்தகைய திறந்த நீர்ப்பரப்பை விஞ்ஞானிகள் ‘பாலின்யா’ என்று அழைக்கின்றனர்.
1979-ம் ஆண்டு முதல் கிடைக்கும் செயற்கைக்கோள் பதிவுகளில், இந்தப் பகுதியில் குளிர்காலத்தில் இதுபோன்ற நிகழ்வு காணப்படவில்லை. இதனால், விஞ்ஞானிகள் செயற்கைக்கோள் படங்கள், வானிலை விவரங்கள், கடல் நீரின் வெப்பநிலை ஆகியவற்றை ஆய்வு செய்தனர்.


அந்த ஆண்டு ஜூலை, ஆகஸ்ட் மாதங்களில், வெப்பமும் ஈரப்பதமும் கொண்ட காற்று ஆறு முறை இந்தப் பகுதிக்கு வந்துள்ளது. இது அங்கிருந்த பனியைப் பலவீனப்படுத்தியதுடன், புதிய பனி உருவாவதையும் தடுத்துள்ளது.
அதே நேரத்தில், பலத்த காற்று கடல் நீரில் சுழற்சியை ஏற்படுத்தியுள்ளது. இதனால், ஆழத்தில் இருந்த சற்றே வெப்பமான நீர் மேலே வந்துள்ளது. அந்த வெப்பமும் கடல் நீர் உறைவதைத் தடுத்துள்ளது.


அதாவது, மேலிருந்து வந்த வெப்பமான காற்றும், கீழிருந்து வந்த வெப்பமான நீரும் ஒரே நேரத்தில் பனியைப் பாதித்துள்ளன. இந்த இரண்டும் சேர்ந்ததால் மிகப்பெரிய திறந்த நீர்ப்பரப்பு ஏற்பட்டதாக ஆய்வாளர்கள் விளக்குகின்றனர்.
தேசிய துருவ மற்றும் கடல் ஆராய்ச்சி மையத்தின் விஞ்ஞானிகள் மேற்கொண்ட இந்த ஆய்வு, ‘ஜியோபிசிக்கல் ரிசர்ச் லெட்டர்ஸ்’ இதழில் வெளியாகியுள்ளது.


அண்டார்டிகாவில் கடல் பனி எவ்வாறு மாறுகிறது என்பதைப் புரிந்துகொள்ள இந்த ஆய்வு உதவும். மேலும், காற்றிலும் கடலிலும் ஒரே நேரத்தில் ஏற்படும் மாற்றங்களைத் தொடர்ந்து கவனிக்க வேண்டியதன் அவசியத்தையும் இது காட்டுகிறது.

  • குறிச்சொற்கள்:
  • antartika
முந்தைய செய்தி
ஸ்வஸ்திகா இன்ஃப்ராவுக்கு ரூ.615 கோடி ஆர்டர்
அடுத்த செய்தி
2 இந்திய நிறுவனங்களுக்கு அமெரிக்கா தடை

தொடர்புடைய செய்திகள்