Search

Select theme:

Saved articles

You have not yet added any article to your bookmarks!

Browse articles

GDPR Compliance

We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

ஒரே வாரத்தில் 25 சதவீதம் வீழ்ந்த ஹிமாத்ரி பங்கு

ஒரே வாரத்தில் 25 சதவீதம் வீழ்ந்த ஹிமாத்ரி பங்கு

இந்தச் சரிவால் நடப்பாண்டின் பங்கு ஆதாயங்கள் காணாமல் போனது. ஆண்டின் உச்சத்திலிருந்து பங்கு விலை 40 சதவீதம் குறைந்துள்ளது.

KumudamBizNews STOCK MARKET 1 நிமிட வாசிப்பு
பகிரவும் WhatsApp Facebook

மூலப்பொருள் செலவு அதிகரிப்பால் லாப விகிதம் குறைந்த நிலையில், ஹிமாத்ரி ஸ்பெஷாலிட்டி கெமிக்கல் பங்கு, கடந்த 23-ம் தேதி ஆறாவது வர்த்தக நாளாகச் சரிந்து, 2008-க்குப் பிறகு மிகப்பெரிய வாராந்திர வீழ்ச்சியைப் பதிவு செய்தது.

கடந்த வெள்ளிக்கிழமை இப்பங்கின் விலை சுமார் 6 சதவீதம் குறைந்து ரூ.492 ஆனது. இது ஏப்ரல் மாதத்துக்குப் பிறகான குறைந்தபட்சமாகும். கடந்த வாரத்தில் பங்கு 25.5 சதவீதம் வீழ்ச்சியடைந்தது. ஒட்டுமொத்த பங்குச்சந்தையின் சரிவும் விற்பனை அழுத்தத்தை அதிகரித்தது.

செப்டம்பர் காலாண்டில் நிறுவனத்தின் செயல்பாட்டு வருவாய், முந்தைய ஆண்டைவிட 44.12 சதவீதம் உயர்ந்து ரூ.1,542.67 கோடியானது. ஆனால், மூலப்பொருள் செலவு 55.25 சதவீதம் அதிகரித்து ரூ.1,048.83 கோடியை எட்டியது.

இதனால் வட்டி, வரி, தேய்மானத்துக்கு முந்தைய லாப விகிதம் 22.7 சதவீதத்திலிருந்து 20 சதவீதமாகக் குறைந்தது. நிகர லாபம் 28.32 சதவீதம் உயர்ந்து ரூ.239.77 கோடியான போதிலும், அதன் வளர்ச்சி, வருவாய் வளர்ச்சியைவிடக் குறைவாக இருந்தது.

இந்தச் சரிவால் நடப்பாண்டின் பங்கு ஆதாயங்கள் காணாமல் போனது. ஆண்டின் உச்சத்திலிருந்து பங்கு விலை 40 சதவீதம் குறைந்துள்ளது. இருப்பினும், கடந்த ஐந்தாண்டுகளில் பங்கு 787 சதவீதம் உயர்ந்துள்ளது.

மேலும், லித்தியம் அயர்ன் பாஸ்பேட் உள்ளிட்ட புதிய உற்பத்தித் திட்டங்களில் முதலீடு செய்ய நிறுவனம் திட்டமிட்டுள்ளது. வருவாய் அதிகரித்தாலும், செலவுகளின் வேகமான உயர்வு லாப வளர்ச்சியைக் கட்டுப்படுத்தியதே முதலீட்டாளர் மனநிலையைப் பாதித்ததற்கான காரணம் என பங்குச் சந்தை நிபுணர்கள் கருதுகின்றனர்.

முந்தைய செய்தி
China's Moonshot AI launches Kimi K3.1 Pro
அடுத்த செய்தி
அமெரிக்கா புறப்பட்ட ரஷ்ய கப்பல்கள்; ஜெலன்ஸ்கி அதிருப்தி!

தொடர்புடைய செய்திகள்