ஹூண்டாய் இந்தியா லாபம் 24% சரிவு

மூலப்பொருள் செலவுகள் அதிகரித்ததால், ஹூண்டாய் மோட்டார் இந்தியாவின் செப்டம்பருடன் முடிவடைந்த இரண்டாவது காலாண்டு ஒருங்கிணைந்த நிகர லாபம் சுமார் 24 சதவீதம் குறைந்து, ரூ.1,196.16 கோடியாக உள்ளது.

இந்தக் காலாண்டில் இதுவரை இல்லாத அளவாக 2,19,072 வாகனங்கள் விற்பனையாகின. இது ஆண்டுக்கு ஆண்டு 15 சதவீதமும், முந்தைய காலாண்டைவிட 23 சதவீதமும் அதிகம்.
காலாண்டு வருவாய் முதல்முறையாக ரூ.20,000 கோடியைக் கடந்தபோதிலும், உயர்ந்த மூலப்பொருள் விலைகள் லாபத்தை பாதித்ததாக நிறுவன நிர்வாக இயக்குநரும், தலைமைச் செயல் அதிகாரியுமான தருண் கர்க் தெரிவித்தார்.

பேயான் அறிமுகத்துடன் புதிய தயாரிப்புகளின் வருகை தொடங்குவதாகவும், நடப்பு நிதியாண்டின் நான்காவது காலாண்டில் வெகுஜன சந்தைக்கான பிரத்யேக மின்சார வாகனம் அறிமுகப்படுத்தப்படும். நிதியாண்டின் இரண்டாம் பாதியில் நிறுவனத்தின் வளர்ச்சி மேலும் வேகமெடுக்கும் என எதிர்பார்ப்பதாகவும் அவர் கூறினார்.

முக்கிய நிதி விவரங்கள்

காலம்: ஜூலை – செப்டம்பர் 2026 (Q2 FY2026–27)
நிதி அளவுகோல்                                             கடந்த ஆண்டு          இதே காலாண்டு             நடப்பு காலாண்டு                   மாற்றம்
ஒருங்கிணைந்த நிகர லாபம்                        ₹1,572.25 கோடி            ₹1,196.16 கோடி                         23.9%                                   சரிவு
செயல்பாட்டு வருவாய்                                   ₹17,460.82 கோடி         ₹20,696.06 கோடி                  சுமார் 18.5%                          உயர்வு
மொத்த செலவுகள்                                           ₹15,566.07 கோடி          ₹19,302.18 கோடி                   சுமார் 24%                           உயர்வு
மூலப்பொருள் பயன்பாட்டுச் செலவு          ₹12,183.17 கோடி          ₹15,730.91 கோடி                   சுமார் 29%                           உயர்வு
மொத்த வருமானம்                                           ₹17,692.03 கோடி          ₹20,920.02 கோடி                                                                  உயர்வு