Search

Select theme:

Saved articles

You have not yet added any article to your bookmarks!

Browse articles

GDPR Compliance

We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

IEX இலக்கு விலை ரூ.110 ஆக குறைப்பு

IEX இலக்கு விலை ரூ.110 ஆக குறைப்பு

இந்தியன் எனர்ஜி எக்ஸ்சேஞ்ச் இலக்கு விலையை ரூ.115 லிருந்து ரூ.110 ஆகக் குறைத்துள்ளது.

Prabaharan STOCK MARKET 1 நிமிட வாசிப்பு
பகிரவும் WhatsApp Facebook

இந்தியன் எனர்ஜி எக்ஸ்சேஞ்ச் நிறுவனத்தின் பங்கு மதிப்பீட்டை ‘அண்டர்பெர்ஃபார்ம்’ நிலையிலிருந்து ‘மார்க்கெட் பெர்ஃபார்ம்’ நிலைக்கு பெர்ன்ஸ்டீன் உயர்த்தியுள்ளது. எனினும், இலக்கு விலையை ரூ.115 லிருந்து ரூ.110 ஆகக் குறைத்துள்ளது.

மின்சாரச் சந்தைகளை ஒருங்கிணைக்கும் ‘மார்க்கெட் கப்ளிங்’ நடைமுறை அமலாவதில் சுமார் ஓராண்டு தாமதம் ஏற்படலாம் என்பதால், ஒழுங்குமுறை மாற்றத்தால் உருவாகும் குறுகியகால ஆபத்து குறைந்துள்ளதாக சர்வதேச தரகு நிறுவனம் பெர்ன்ஸ்டீன் தெரிவித்துள்ளது.


இந்த நடைமுறை 2027–28 நிதியாண்டின் இறுதியில் அமலாகும் என பெர்ன்ஸ்டீன் எதிர்பார்க்கிறது. நிகழ்நேர மின்சாரச் சந்தையின் வர்த்தக நேர விண்டோவை மேலும் குறைக்கும் திட்டங்கள் இருப்பதால், அந்தப் பிரிவில் மாற்றங்களைச் செயல்படுத்துவது சவாலாக இருக்கலாம் என்றும் குறிப்பிட்டுள்ளது.
சந்தை ஒருங்கிணைப்பு தவிர்க்க முடியாதது; பரிவர்த்தனைக் கட்டணங்கள் குறையக்கூடும் என்ற தனது மதிப்பீடு மாறவில்லை எனவும் தெரிவித்துள்ளது. இருப்பினும், அடிப்படை எதிர்பார்ப்புகளின் அடிப்படையில் தற்போதைய பங்கு விலை நியாயமான நிலையில் இருப்பதாகக் கருதுகிறது.


சந்தை சார்ந்த மின்சாரத் தயாரிப்புகளை ஊக்குவிக்கும் அரசின் நடவடிக்கைகள், மெய்நிகர் மின்கொள்முதல் ஒப்பந்தங்கள், புதுப்பிக்கத்தக்க மின்சாரத் திட்டங்களுக்கான புதிய ஒப்பந்த முயற்சிகள் ஆகியவை நடுத்தர மற்றும் நீண்டகாலத்தில் வர்த்தக அளவை அதிகரிக்கலாம்.
ஆனால், குறுகியகால வளர்ச்சி மந்தமாகவே இருக்கும். வலுவான மின்தேவை இருந்தாலும், நீர்மின் உற்பத்திக் குறைவு, நிலக்கரிப் பற்றாக்குறை ஆகியவை மின்விநியோகத்தைக் கட்டுப்படுத்துவதாக பெர்ன்ஸ்டீன் கூறியுள்ளது.


உலகளாவிய கட்டணங்களுடனும், ஆபத்துகளுடனும் ஒப்பிட்டு கட்டணங்களை நிர்ணயிக்க வேண்டும் என 2023 விவாத அறிக்கை குறிப்பிட்டிருந்தது. பரிவர்த்தனைக் கட்டணக் குறைப்பு முக்கிய ஆபத்தாகத் தொடர்கிறது. சந்தை ஒருங்கிணைப்பு அமலான பிறகே கட்டணங்கள் குறித்து மத்திய மின்சார ஒழுங்குமுறை ஆணையம் முடிவெடுக்கக்கூடும் என்பதால், உடனடி ஆபத்து குறைவாக இருப்பதாகவும் தெரிவித்துள்ளது.

முந்தைய செய்தி
வாக்கு சதவீதம் குறைவுக்கு தவெக மீதான அதிருப்தியே காரணம்: நயினார்
அடுத்த செய்தி
உச்ச வர்த்தக வரம்பைத் தொட்ட எலைட்கான்!

தொடர்புடைய செய்திகள்