Search

Select theme:

Saved articles

You have not yet added any article to your bookmarks!

Browse articles

GDPR Compliance

We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

சாதனைகளை உடைத்த ஜியோ பிளாட்ஃபார்ம்ஸ் ஐபிஓ

சாதனைகளை உடைத்த ஜியோ பிளாட்ஃபார்ம்ஸ் ஐபிஓ

பொதுப் பங்கு வெளியீட்டுக்கு 22.19 மடங்கு சந்தா பதிவாகியுள்ளது.

KumudamBizNews STOCK MARKET 1 நிமிட வாசிப்பு
பகிரவும் WhatsApp Facebook

ஜியோ பிளாட்ஃபார்ம்ஸ் நிறுவனத்தின் பொதுப் பங்கு வெளியீட்டுக்கு 22.19 மடங்கு சந்தா பதிவாகியுள்ளது. இந்த பங்கு வெளியீடு, நிதி திரட்டல், விண்ணப்பங்கள், முதலீட்டாளர் தேவை ஆகியவற்றில் பல்வேறு சாதனைகளைப் படைத்துள்ளது.

அக்டோபர் 21-ல் தொடங்கி 23-ல் நிறைவடைந்த ஜியோ பிளாட்பார்ம்ஸ் பங்கு வெளியீட்டில், ஒதுக்கப்பட்ட 19,75,25,934 பங்குகளுக்கு எதிராக 4,38,26,15,568 பங்குகளுக்கு கோரிக்கைகள் வந்துள்ளதாக பிஎஸ்இயின் ஒருங்கிணைந்த இறுதித் தரவுகள் தெரிவிக்கின்றன.
தகுதிவாய்ந்த நிறுவன முதலீட்டாளர் பிரிவில் 70.55 மடங்கும், நிறுவனம்சாரா முதலீட்டாளர் பிரிவில் 14 மடங்கும், சில்லறை முதலீட்டாளர் பிரிவில் 2.72 மடங்கும் சந்தா பதிவானது. பங்குதாரர் ஒதுக்கீட்டில் 7.60 மடங்கும், ஊழியர் ஒதுக்கீட்டில் 2.93 மடங்கும் கோரிக்கைகள் கிடைத்தன.


வெளியீடு தொடங்கிய 100 நிமிடங்களிலேயே முழுச் சந்தா கிடைத்ததாகவும், சுமார் 1.4 கோடி விண்ணப்பங்கள் வந்ததாகவும் தகவல் வெளியாகியுள்ளது. விண்ணப்ப எண்ணிக்கையில் இது புதிய சாதனை.
முன்னணி முதலீட்டாளர்களுக்கான ரூ.8,110 கோடி ஆங்கர் ஒதுக்கீட்டுக்கு சுமார் ரூ.2.5 லட்சம் கோடி மதிப்புக்கான கோரிக்கைகள் வந்தன. இது ஒதுக்கீட்டின் அளவைவிட 30 மடங்குக்கும் அதிகம் என்றும் தெரிவிக்கப்பட்டுள்ளது.


அதிகபட்சமாக 27 கோடி புதிய பங்குகளை வெளியிடும் இந்த ஐபிஓவில், ஏற்கெனவே உள்ள பங்குதாரர்களின் பங்கு விற்பனை இடம்பெறவில்லை. பங்கின் விலை வரம்பு ரூ.1,065 முதல் ரூ.1,119 வரை நிர்ணயிக்கப்பட்டிருந்தது.
அதிகபட்ச விலையில் வெளியீட்டின் அளவு ரூ.30,213 கோடியாகும். ஹூண்டாய் வெளியீட்டை விஞ்சி இந்தியாவின் மிகப்பெரிய ஐபிஓவாக இது அமைந்துள்ளது. அதிகபட்ச வெளியீட்டு விலையில் நிறுவனத்தின் மதிப்பீடு சுமார் ரூ.10.3 லட்சம் கோடியாக இருக்கும் என்றும் மதிப்பிடப்பட்டுள்ளது.


ஜியோ பிளாட்ஃபார்ம்ஸ் ஐபிஓ பங்கு ஒதுக்கீடு அக்டோபர் 26-ல் இறுதிசெய்யப்படும் என எதிர்பார்க்கப்படுகிறது. ஒதுக்கப்பட்ட பங்குகள் முதலீட்டாளர்களின் டிமேட் கணக்குகளில் அக்டோபர் 27-ல் வரவு வைக்கப்பட உள்ளன. பங்குகள் பிஎஸ்இ, என்எஸ்இ சந்தைகளில் அக்டோபர் 28-ல் பட்டியலிடத் திட்டமிடப்பட்டுள்ளது.

முந்தைய செய்தி
சிறிய பங்குகளில் பெரிய சரிவு - எச்சரிக்கை அவசியம்
அடுத்த செய்தி
டாடா சன்ஸ் பங்குகள் பட்டியலிடப்படுவது கட்டாயம் - ரிசர்வ் வங்கி ஆளுநர் திட்டவட்டம்

தொடர்புடைய செய்திகள்