Search

Select theme:

Saved articles

You have not yet added any article to your bookmarks!

Browse articles

GDPR Compliance

We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

உழவர் சந்தைகளில் ரூ.1.77 கோடிக்கு காய்கறிகள் விற்பனை

உழவர் சந்தைகளில் ரூ.1.77 கோடிக்கு காய்கறிகள் விற்பனை

அதிகபட்சமாக தாதகாப்பட்டி உழவர் சந்தையில் ரூ.38.60 லட்சமும், ஆத்தூர் சந்தையில் ரூ.27.44 லட்சத்திற்கும், அஸ்தம்பட்டில் ரூ.14.66 லட்சத்திற்கும் விற்பனையாகியுள்ளது.

KumudamBizNews TAMILNADU 1 நிமிட வாசிப்பு
பகிரவும் WhatsApp Facebook

சேலம் மாவட்டத்தில் செயல்படும் 13 உழவர் சந்தைகளில் ஆயுத பூஜையையொட்டி ஒரே நாளில் மொத்தம் ரூ.1.77 கோடி மதிப்பிலான காய்கறிகள் மற்றும் வேளாண் பொருட்கள் விற்பனை செய்யப்பட்டுள்ளதாகத் தகவல்கள் வெளியாகியுள்ளன.

அன்றைய தினம் மாவட்டத்தின் பல்வேறு பகுதிகளில் உள்ள உழவர் சந்தைகளுக்கு மொத்தம் 79,104 நுகர்வோர்களும், 1,114 விவசாயிகளும் வருகை புரிந்துள்ளனர். பண்டிகைக் காலத் தேவையைப் பூர்த்தி செய்யும் விதமாக ஒட்டுமொத்தமாக 328.75 மெட்ரிக் டன் பொருட்கள் விற்பனைக்காகக் கொண்டுவரப்பட்டன. இதில் கணிசமான அளவு காய்கறிகள் மற்றும் பழங்கள் விற்பனை ஆனதுடன், ஆயுத பூஜை வழிபாட்டிற்கு பூக்களும் பெருமளவில் விற்பனை செய்யப்பட்டன.

குறிப்பாக, சூரமங்கலம் உழவர் சந்தைக்கு அதிகபட்சமாக 16,998 நுகர்வோர்கள் வருகை தந்துள்ளனர். அதேபோல, தாதகாப்பட்டி உழவர் சந்தை அதிகபட்ச வணிக மதிப்பாக ரூ.38.60 லட்சம் மதிப்பிலான விற்பனையைப் பதிவு செய்துள்ளது. ஆத்தூர் உழவர் சந்தையில் ரூ.27.44 லட்சத்திற்கும், அஸ்தம்பட்டி சந்தையில் ரூ.14.66 லட்சத்திற்கும், அம்மாபேட்டை சந்தையில் ரூ.13.02 லட்சத்திற்கும் காய்கறி மற்றும் இதர விளைபொருட்கள் விற்பனை செய்யப்பட்டுள்ளன.

மேலும் மேட்டூர், ஜலகண்டாபுரம், இளம்பிள்ளை, எடப்பாடி, தம்மம்பட்டி, வாழப்பாடி, ஆட்டையாம்பட்டி மற்றும் மேச்சேரி உள்ளிட்ட அனைத்து உழவர் சந்தைகளிலும் ஆயுத பூஜை நாளன்று காய்கறி வரத்து மற்றும் விற்பனை சீராக நடைபெற்றதன் மூலம் பொதுமக்கள் மற்றும் விவசாயிகள் பெரிதும் பயனடைந்துள்ளனர்.

முந்தைய செய்தி
துவங்கப்படாத திருச்சி-திருப்பதி ரயில் சேவை - பயணிகள் அதிருப்தி
அடுத்த செய்தி
District-level kickboxing competition held in Erode

தொடர்புடைய செய்திகள்