Search

Select theme:

Saved articles

You have not yet added any article to your bookmarks!

Browse articles

GDPR Compliance

We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

என்எஸ்இ பங்கு 30% உயர வாய்ப்பு

என்எஸ்இ பங்கு 30% உயர வாய்ப்பு

ஜேபி மார்கன் நிறுவனம், தேசிய பங்குச் சந்தையின் நிகர லாபம் ஆண்டுக்கு 14 சதவீதம் வளர்ச்சியடையும் என மதிப்பிட்டுள்ளது.

KumudamBizNews STOCK MARKET 1 நிமிட வாசிப்பு
பகிரவும் WhatsApp Facebook

தேசிய பங்குச் சந்தையின் (என்எஸ்இ) பங்கு விலை 30 சதவீதம் வரை உயர வாய்ப்புள்ளதாக சர்வதேச முதலீட்டு நிறுவனங்களான மார்கன் ஸ்டான்லி, ஜேபி மார்கன் கணித்துள்ளன.

இந்தியப் பங்குச் சந்தையில் என்எஸ்இ-யின் ஆதிக்கம், அதிகரித்து வரும் சில்லறை முதலீட்டாளர்கள் பங்களிப்பு ஆகியவற்றைக் கருத்தில்கொண்டு, இரு நிறுவனங்களும் என்எஸ்இ பங்குகளுக்கு சாதகமான மதிப்பீட்டை வழங்கியுள்ளன.

மார்கன் ஸ்டான்லி நிறுவனம், அடுத்த 12 மாதங்களில் என்எஸ்இ பங்கு விலை ரூ.2,315-ஐ எட்டும் என இலக்கு நிர்ணயித்துள்ளது. இது கடந்த வெள்ளிக்கிழமை இறுதி விலையைவிட 30 சதவீதம் அதிகமாகும். ஜேபி மார்கன் நிறுவனம் ரூ.2,130 இலக்கு நிர்ணயித்துள்ளது. இது சுமார் 20 சதவீத உயர்வாகும்.

2026-27 முதல் 2028-29 வரையிலான காலத்தில் என்எஸ்இ-யின் வருவாய் மற்றும் சரிசெய்யப்பட்ட நிகர லாபம் ஆண்டுக்கு சராசரியாக 15 சதவீதம் வளர்ச்சியடையும் என மார்கன் ஸ்டான்லி கணித்துள்ளது.

ஜேபி மார்கன் நிறுவனம், தேசிய பங்குச் சந்தையின் நிகர லாபம் ஆண்டுக்கு 14 சதவீதம் வளர்ச்சியடையும் என மதிப்பிட்டுள்ளது.

இந்தியாவின் ரொக்கப் பங்குச் சந்தை வர்த்தகத்தில் என்எஸ்இ 93 சதவீத பங்கைக் கொண்டுள்ளது. குறியீட்டு ஆப்ஷன்ஸ் வர்த்தகத்தில் அதன் சந்தைப் பங்கு சுமார் 65 சதவீதத்தில் நிலைபெறும் என எதிர்பார்க்கப்படுகிறது.

இருப்பினும், ஒழுங்குமுறை மாற்றங்கள், போட்டி அதிகரிப்பு, வர்த்தக நடவடிக்கைகள் குறைதல் ஆகியவை என்எஸ்இ-யின் வளர்ச்சிக்குச் சவாலாக அமையலாம் என்றும் நிறுவனங்கள் எச்சரித்துள்ளன.

முந்தைய செய்தி
ரிலையன்ஸ் பங்கு இலக்கு விலை ரூ.1,710
அடுத்த செய்தி
வாகன விற்பனை அதிகரிப்பு - ஆட்டோமொபைல் பங்குகள் உயர்வு

தொடர்புடைய செய்திகள்